SHS hjemmeside

English text

Forskargruppa "Utgjeving av mellomaldertekster" under leiing av Odd Einar Haugen har konsentrert seg om elektronisk utgjeving av norrøne tekster. Tre felt har vore sentrale:

(1) Tekstleg representasjon: kva for paleografisk og ortografisk informasjon i handskriftene bør kodast?

(2) Tekstleg rekonstruksjon: bør tekstene analyserast som primærkjelder, eller bør variantar frå andre kjelder takast med i kodinga?

(3) Tekstleg presentasjon: korleis kan koda tekster bli presenteret (og distribuerte) i ei form som ikkje bryt sambandet med tradisjonelle utgåver?

Kvar deltakar i gruppa har arbeidd med sitt eige utgjevingsprosjekt. Desse prosjekta har vore samanknytte både tematisk og metodisk , og minst eitt av dei - arbeidet med ei ny utgåve av Heimskringla - har engasjert fleire av deltakarane. Dei individuelle prosjekta har tent som utgangspunkt for ei drøfting av dei problemstillingane som reiser seg på dei tre nemnde hovudfelta. Gruppa har oppretta ei felles plattform og laga utkast til eit regulativ for koding av nordiske mellomalderhandskrifter i samsvar med tilrådingane til det internasjonale Text Encoding Initiative.

Forskargruppa heldt eit symposium 27.-29. april 2001 med meir enn 60 deltakarar, hovudsakleg frå dei nordiske landa.

Ei elektronisk handbok om koding av nordiske mellomalderhandskrifter utarbeidd av medlemer av forskargruppa vart utlagd på nettet 10. juni 2001.

Ein rapport over arbeidet i forskargruppa vart framlagd 20. november 2001.

Deltakarar

Odd Einar Haugen	Universitetet i Bergen	Noreg
Jonna Louis-Jensen	Københavns universitet	Danmark
Jon Gunnar Jørgensen	Universitetet i Oslo	Noreg
Karl G. Johansson	Växjö universitet	Sverige
Rune Kyrkjebø	Universitetet i Bergen	Noreg
Espen S. Ore	Nasjonalbiblioteket, Oslo	Noreg
Kolbrún Haraldsdóttir	Universitetet i Erlangen-Nürnberg	Tyskland
Hubert Seelow	Universitetet i Erlangen-Nürnberg	Tyskland